नेपाल सरकार

गृह मन्त्रालय

कारागार व्यवस्थापन विभाग

    


ईभेन्ट्स

कारागारको व्यवस्थापन पक्ष

कारागारहरूलाई व्यवस्थित रूपले सञ्चालन गर्नका लागि गृह मन्त्रालयको मातहतमा कारागार व्यवस्थापन विभाग रहेको छ । यस विभाग अन्तर्गत ७२ जिल्लामा ७४ वटा कारागारहरू सञ्चालन भइरहेका छन् । कारागार व्यवस्थापन विभागको समन्वयात्मक भूमिका र प्रमुख जिल्ला अधिकारीको प्रत्यक्ष रेखदेख एवं नियन्त्रण र जेलरको प्रत्यक्ष जिम्मेवारीमा कारागारहरूलाई व्यवस्थित गर्ने काम भइरहेको छ भने विभाग अन्तर्गत कारागार कार्यालयहरू रहेका छन् । त्यसरी नै बन्दी गृहको आन्तरिक प्रशासन बन्दीहरू मध्येबाटै नियुक्त गरिएका चौकिदार, नाइके, सहनाइकेको रेखदेखमा सञ्चालित छ भने सुरक्षा व्यवस्था नेपाल प्रहरी र नेपाली सेनाले समेत सुरक्षामा खटाउने परिपाटी सुरू भएको छ । कारागारहरूको संगठन संरचनाभित्र हाल विभिन्न श्रेणी र पदका कुल ८१३ जना कर्मचारीहरू कार्यरत रहेका छन् । त्यस्तै कारागारहरूमा बन्दी राख्ने क्षमता बारे अहिलेसम्म आधुनिक मापदण्ड तयार भएको छैन तापनि हालकै अवस्थामा करिव १६००० कैदी बन्दीहरू राख्न सक्ने क्षमता कारागारहरूमा रहेको देखिन्छ । नेपालभरका ७७ जिल्लाहरू मध्ये धनुषा, भक्तपुर, बारा, पूर्वी रुकुम र पूर्वी नवलपरासी गरी ५ जिल्लाहरुमा कारागारहरू स्थापना भएका छैनन् । हाल देशभरी ८ वटा बालसुधार गृहहरु संचालनमा रहेका छन् । काठमाडौं र दाङ जिल्लामा २/२ वटा कारागार कार्यालयहरू सञ्चालनमा रहेका छन् ।